Jesu namn vere lova! Me har det bra, og me takkar Gud for at arbeidet går godt både med lese- og skriveopplæringa (Basic), med 3-dagarsseminara (Traditional) og med barnehagen. Me er så takknemlege for at Frøydis sitt gode arbeid kan halda fram og veksa, til stor glede for iraqwfolket. Det som er spesielt i inneverande år, er at arbeidet har nådd til Haydom sokn. Der har eg allereie gjennomført seminaret fire stader for i alt 200 personar. Mange prestar og evangelistar har teke kontakt og vil gjerne ha seminar i kyrkjene sine.
Eksamen 26.okt.-22 i TAG Endesh
Hjarteleg takk til alle som støtta oss slik at bil-problemet vart løyst! Den nye bilen, ein Hilux, er teken i bruk, og den er til stor lette og hjelp i arbeidet vårt. Må Gud velsigna dykk rikeleg med sin nåde! Me ber for Frøydis og Nora at Gud gir dei styrke til det store arbeidet dei gjer. I tillegg til gleder og det som har lukkast, vil me også dela nokre utfordringar med dykk: I Tanzania har prisane auka, ja, nesten fordobla seg i løpet av dei to siste åra. Eksempel: Ein bunke skrivepapir kosta 12.000 shilling tidlegare, men nå er prisen 20.000 sh. 1 kg sukker kosta 2000 sh. før, nå 2800 sh. Ris kosta 1500 sh., nå 3000 sh. pr.kg. Prisen på drivstoff har også auka svært mykje. Så me ber dykk om å ha oss i tankane fortsatt, særleg nå når me har starta arbeidet i Haydom sokn. Det er svært langt dit, og nokre stader er det vanskeleg å komma til på grunn av elendige vegar. Eit anna ynskje er å få fleire disser (husker) til barna i barnehagen. Det me har er lite til 60 barn. Me sender dykk våre beste helsingar frå Mbulu. Hjarteleg takk for all støtte, og Gud velsigne dykk!
1.Kor.7,17: «Difor skal kvar og ein leva livet sitt der Herren har sett han, så som Gud har kalla kvar einskild.»
Dette verk er lisensieret under en Creative Commons Navngivelse 4.0 Internasjonal lisens
.